Македонскиот капитен Никола Ѓорѓиев има нов клуб во клупската кариера. Нашиот најдобар одбојкар ќе заигра во романскиот гигант Рапид Букурешт.
Новиот клуб на Ѓорѓиев се испофали на социјалните мрежи каде што сподели објава во која имаше само пофални зборови. Од Рапид нагласија дека Македонецот ќе биде огромно засилување, има импресивна кариера зад себе и го сместија во топ 500 најдобри одбојкари на сите времиња.
„Еден од највреднуваните странски одбојкари кои играле во романскиот шампионат е нов член на Рапид. Неверојатниот Никола Ѓорѓиев ќе биде сила во нападот. Никола е вклучен во топ 500 најдобри одбојкари на сите времиња, рангиран како 451. Со импресивна кариера зад себе, тој ќе ни донесе искуство, сила и одлучност на терените. Капитен на репрезентацијата на Македонија и играч со огромно искуство во најголемите европски и азиски лиги“, стои во објавата.
Никола Ѓорѓиев ќе ја одигра својата 21 кариера во интернационалната одбојка. Во минатото настапуваше за клубови од Словенија, Србија, Италија, Јапонија, Полска, Турција и Германија.