Шпанскиот тенисер Рафале Надал пропушти голема шанса да ги продолжи со победи на АТП турнирот од серијата 250 во Бризбејн, каде играше по една година пауза поради повреда.
Еден од најдобрите играчи на сите времиња, кој сега е 672 на АТП листата, денеска не успеа да се пласира во полуфиналето на овој турнир, бидејќи во четврт-финалето беше поразен од Австралиецот Џордан Томпсон, по голема борба што траеше три часа и 24 минути.
Австралиецот победи со 2:1, а во сетови беше 5:7, 7:6(6), 6:3.
Томпсон во полуфиналето ќе се сретне со вториот носител Григор Димитров од Бугарија. Втората полуфинална двојка ја сочинуваат првиот носител Холгер Руне од Данска и Роман Сафиулин од Русија.
По триумфот над Тием и Кублер, Надал беше многу блиску да го совлада и Томпсон. Имаше три меч топки во вториот сет, две изедначени во тајбрејкот, бидејќи водеше со 6:4, но немаше сили да ја заврши работата. Домашниот играч врза четири поени и го доби решавачкиот сет.
Во третиот сет очекувано Надал падна по толку отсуство од теренот, Томпсон го зголеми ритамот и го затвори овој меч со 6:3 и се пласираше во полуфиналето.