Во четврото коло од новата сезона, Килијан Мбапе конечно го даде првиот гол за Реал Мадрид во Ла Лига, а по првиот веднаш дојде и вториот, кралскиот клуб го совлада Бетис со 2-0
Отпорот на Бетис траеше до 67. минута кога по маестрална асистенција со пета на Валверде, Килијан Мбапе постигна деби гол во Ла Лига за водство на Реал Мадрид од 1-0.
Осум минути подоцна Мбапе даде уште еден гол, овојпат погоди од пенал за водство од 2-0, што беше и конечен резултат на мечот.
По четири одиграни кола во Ла Лига, Реал Мадрид има четири бода помалку од Барселона која е на врвот на табелата.