Францускиот фудбалер, Килијан Мбапе, денеска ќе има официјална промоција во дресот на Реал Мадрид. Настанот ќе се случува на стадионот „Сантијаго Бернабеу“, каде што ќе биде поставена голема бина и специјален излез за новиот напаѓач на „кралевите“.
Претходно беше објавено дека на трибините ќе има одредена бројка навивачи, а приоритет ќе имаат тие со сезонски влезници. Целиот настан ќе биде придружуван со специјални ефекти и сценско музички настап.