По лекарските прегледи и потпишувањето на петгодишниот договор, Килијан Мбапе беше претставен на стадионот „Сантијаго Бернабеу“ како нов играч на Реал Мадрид. Навивачите на Реал долго го чекаа овој ден, а во целата приказна ги внесе претседателот на клубот Флорентино Перез, кој одржа воведен говор.
Kylian Mbappé has officially signed the contract with Real Madrid!#KrowdNaija #KrowdSports pic.twitter.com/dltG9bc3jc
— Krowd Naija (@krowdnaija) July 16, 2024
– Добредојдовте на овој историски настан. Најпрво би сакал да и честитам на шпанската фудбалска репрезентација за освоената четврта титула првак на Европа во историјата.
Честитки не само за победата, туку и за начинот на кој ја постигнавте. Задоволство е што се враќаме во нормала и што можам да ве запознам со нови играчи на нашиот стадион. Секогаш кога ќе дочекаме некој што ќе го облече нашиот дрес за прв пат е нешто посебно, рече Перез.
بعد طول انتظار 🔥🔥🔥
مبابي يوقع العقد مع ريال مدريد رسمياً مقابل 0 يورو ✍️🤍#مبابي #ريال_مدريد #Mbappe pic.twitter.com/xgWh0qEA8g— cris🇵🇹 (@7cr2i) July 16, 2024
Перез се осврна на легендите на клубот кои низ годините го предводеа Реал до многубројни титули, по што го повика легендарниот Зинедин Зидан, кому исто така му се заблагодари за големиот придонес.
Потоа, Килијан Мбапе, човекот чие доаѓање навивачите го чекаа речиси три години, зеде збор по огромните овации.
– Добро утро на сите. Ќе се обидам да зборувам на шпански. Навистина е неверојатно да се биде овде, сонував еден ден да играм за Реал Мадрид, денес тој сон се оствари.
Најпрво сакам да му се заблагодарам на претседателот Флорентино Перез кој веруваше во мене од првиот ден, овде го гледам целото мое семејство и мајка ми како плачат. Ова е прекрасен ден, сакам да им се заблагодарам и на навивачите на Реал кои ми дадоа голема поддршка во последните години.
Сега имам само уште еден сон, а тоа е да живеам во согласност со историјата на овој клуб, ќе го дадам животот за овој клуб и за овој грб, рече Мбапе, а потоа им се обрати на помладите навивачи на клубот:
„Имам порака за сите деца, некогаш бев како вас. Сакам да знаете дека со страст и соништа можете да постигнете сè што сакате. Горд сум што го исполнив мојот сон и станав играч на најдобриот клуб во историјата.
Нема да кажам повеќе затоа што во спротивно ќе заплачам. И сега, сите заедно – 1,2,3 Хала Мадрид!, заврши Мбапе.
