Жрепката со која ќе бидат одредени паровите за четвртфиналето во националниот Куп ќе се одржи идниот вторник, соопшти денеска Фудбалската федерација на Македонија (ФФМ).
Вардар, Брера А.П., Шкендија, Струга Трим Љум, Арсими, Детонит Плачковица, Силекс и Гостивар се тимовите кои изборија пласман во четвртфиналето во Купот на Македонија и ќе бидат дел од жрепката закажана за 10 декември во „Куќата на фудбалот“.
Во четвртфиналето ќе се игра еден натпревар, а пресметките се на програмата 26. Февруари идната година.