Очигледно дека Чави Ернандес нема долго да биде без работно место. Во моментов екс тренерот на Барса нема ангажман, но медиумите во Каталонија денеска пренесуваат дека тој е во интерни преговори со тимот на Милан.
Во Милано како што е добро познато, не цветаат рози на резултатски и играчки план, па моменталниот тренер Пауло Фонсека е под притисок за отказ, а јавноста пак во Италија веќе извесен период лицитира со можните негови наследници.
Чави последно беше тренер на Барселона со која се раздели минатото лето, и најави одмор од една година. Сепак, развојот на настаните во Милано може да ги промени неговите планови.