Баерн Минхен нема намера да се раздели со Михаел Олисе и стави јасно вето на какви било шпекулации околу негов можен трансфер во летниот преоден рок.
И покрај интересот што доаѓа од повеќе европски клубови, раководството на баварците не сака ниту да преговара за продажба на офанзивецот, кој се смета за клучен дел од проектот на клубот во наредните години.
Олисе пристигна во Минхен како големо засилување и брзо се наметна со своите партии. Со конкретен учинок во голови и асистенции, тој стана важен сегмент од нападот на германскиот шампион, што дополнително ја зацврсти позицијата на клубот дека не сака да го загуби.
Според информациите, Баерн веќе размислува и за подобрување на условите во неговиот актуелен договор, со цел да ја потврди долгорочната доверба во францускиот репрезентативец и да стави крај на шпекулациите околу неговата иднина.
Со ваквиот став, германскиот гигант испраќа јасна порака дека нема намера да ги продава своите најважни фудбалери, без оглед на евентуалните понуди што би пристигнале од странство.
МОЖЕБИ ЌЕ ВЕ ИНТЕРЕСИРА:
