Менаџерот на Манчестер Јунајтед, Рубен Аморим, го идентификуваше моментот што го промени правецот на тимот и му даде поинаков изглед на клубот, помагајќи во подобрувањето на резултатите. Тоа беше моментот на поддршка што португалскиот тренер ја доби јавно од Сер Џим Ратклиф. Тимот од „Олд Трафорд“ имаше тежок почеток на сезоната и шпекулациите за иднината на тренерот беа во пораст, но во последните недели тие почнаа да ги менуваат своите резултати и во моментов се непоразени во пет последователни натпревари.
Во понеделник, „црвените ѓаволи“ ќе се вратат во натпреварите од Премиер-лигата по репрезентативната пауза со натпревар против Евертон. Токму против „карамелите“ Аморим ја постигна една од своите најубедливи победи во првенството со 4-0 на 1 декември 2024 година.
-Ако се сеќавате на тој момент кога Сер Џим го даде тоа интервју, работите во клубот се смирија. Вревата околу тимот целосно се промени и тоа стана нешто навистина важно за тимот и за мене. Таа акција имаше огромно влијание – не врз начинот на кој ги правам работите, туку врз тоа како луѓето гледаат на она што го правиме. Имаше огромно влијание. За мене лично, работите не се променија многу бидејќи не се грижам дека ќе ја изгубам работата и сè уште ги правам работите на ист начин. Свесен сум за патот по кој сум, но беше добро да го слушнам тоа, објасни Аморим.
Португалскиот тренер верува дека неговиот тим игра подобро во последно време бидејќи добрите резултати им дале поголема самодоверба. Тој повторно ја бранеше својата одбрана од тројца играчи, иако често е критикувана од стручњаците и навивачите.
-Научив многу во последната година и мислам дека сега сум подобар менаџер. Подготвен сум за иднината, но и за сегашноста. Беше тешко патување, но исто така е неопходно. Мислам дека беше добра прва година. Ова е огромен клуб и задоволство е да се биде тука. Долго време велам дека формацијата не е проблем, бидејќи тактичката структура, бидејќи почнува од некаде и тоа е динамиката. Играме подобро во последно време бидејќи играме со поголема самодоверба, што дојде по добрите резултати. Не е изненадување што се подобруваме, но сме многу далеку од тоа да бидеме совршени и да бидеме тим што може да победи на секој натпревар. Сè уште имаме многу да направиме, но повторно ќе кажам дека формацијата не е проблемот. Ако ги погледнете натпреварите каде што не успеавме, не беше прашање на тактика, туку прашање на недостаток на интензитет, а ова е првенство каде што мора да бидете совршени за да победите во повеќето од вашите натпревари, рече Аморим.
МОЖЕБИ ЌЕ ВЕ ИНТЕРЕСИРА:
