Голем интерес во Премиер лигата владе за играчите на Вест Хем, откако тимот испадна од елитното друштво. Најголем интерес има за Матеуш Фернандеш, а медиумите тврдат дека клубот е принуден да го ппродаде Португалецот.
Вест Хем им порача на Арсенал и Манчестер Јунајтед дека ќе мора да платат до 80 милиони фунти, или 92 милиони евра, за потписот на Матеуш Фернандеш.
Менаџерот на Арсенал, Микел Артета, сака да го доведе 21-годишникот, додека тренерот на Манчестер Јунајтед, Мајкл Карик, смета дека Фернандеш би бил идеална замена за Касемиро, кој го напушти клубот.
Младиот играч постигна пет гола и имаше пет асистенции во 42 настапи оваа сезона и се очекува да остане во Премиер лигата откако минатото лето му се приклучи на Вест Хем од Саутемптон.
Иако е номиниран за наградата за млад играч на сезоната, останува прашањето дали Арсенал или Манчестер Јунајтед ќе бидат подготвени да ја платат бараната цена од 80 милиони фунти.
Вест Хем плати почетни 38 милиони фунти за португалскиот репрезентативец, а Саутемптон во договорот вклучи клаузула од 15 проценти од идните продажби.
Foto:EPA
