Словенечкиот ски скокач Домен Превц победи на денешниот натпревар на леталницата во австриски Кулм и на тој начин го расипа славјето на домашните натпреварувачи, кои пак остварија пласман од второто до петтото место.
Превц имаше летови со должини од 213,5 и 228,5 метри и освои вкупно 433 поени.
Второто место му припадна на Стефан Ембахер, кој имаше само 1,1 поен помалку од победникот Превц, а третопласираниот Јонас Шустер имаше 401,1 поен.
Ембахер беше лидер по првата серија, но перфектниот втор лет на Превц од 228,5 метри му ја донесе победата.
Во генералниот пласман Превц е лидер со 1714 поени, пред Риори Кобајаши, кој има 1021 поен. Останува уште само математички словенечкиот натпреварувач да го потврди освојувањето на големиот кристален глобус во Светскиот куп.
Фото: ЕПА
МОЖЕБИ ЌЕ ВЕ ИНТЕРЕСИРА:
