Македонската одбојкарска репрезентација настапот во новото издание од Европската лига 2026 ќе го започне на домашен терен, односно како еден од домаќините на првите турнири. Од 5 до 7 јуни во салата „Парк“ во Струмица ќе ги пречека националните тимови на Луксембург и Холандија.
Со ваквата одлука на Федерацијата, Струмица, односно хотелот „Пандев“ и салата „Парк“ остануваат базата на машката А селекција, која и минатата година на оваа локација го имаше настапот во ова европско клупско натпреварување.
– Според веќе дефинираниот распоред Македонија турнирот го отвора против Холандија на 5 јуни, ден подоцна е слободна, додека на 7 јуни ќе се соочи со Луксембург, соопштија од ОФМ.
Женската сениорска репрезентација, пак, во салата „Борис Трајковски“ во Скопје ќе биде организатор на еден од турнирите од третиот викенд, од 19 до 21 јуни, во Европската лига, кога ќе ги измери силите со Хрватска и Словенија. Турнирот го стартуваме со Хрватска на 19 јуни, во второто коло сме слободни, додека Словенија е противникот со кој играме на 21 јуни.
Од оваа година Европската лига добива и ново значење и нова тежина за сите нејзини учесници, односно ја презема улогата на квалификациски циклус за Европското првенство 2028 година.
Фото: МИА
МОЖЕБИ ЌЕ ВЕ ИНТЕРЕСИРА:
