Возбудлива вечер во Премиер лигата – Нотингем Форест и Манчестер Јунајтед одиграа спектакуларен натпревар кој заврши без победник, 2:2.
„Црвените ѓаволи“ поведоа преку Каземиро, но домаќините направија брз пресврт во второто полувреме со голови на Морган Гибс-Вајт и Николо Савона. Сепак, во самиот финиш на мечот, Амад Диало со прекрасен волеј донесе бод за Јунајтед и го постави конечниот резултат.
Со ова реми, Јунајтед не успеа да оствари втора последователна победа на гостински терен, додека Форест останува без триумф веќе неколку кола.
Во другиот натпревар од вечерта, Арсенал без многу мака го совлада Барнли со убедливи 3:0. Тимот на Микел Артета доминираше од првата до последната минута, покажувајќи дека повторно е во одлична форма и сериозно ја продолжува трката за врвот на табелата.
