Американката, Микаела Шифрин, најдобрата светска скијачка, доживеа несреќа на патеката во Килингтон, САД. Таа падна на средината од патеката по што заврши во болница и ќе паузира некое време.
Падот се случи откако таа ја загуби контролата над скиите за време на велеслаломската трка по што заврши во заштитната ограда.
Mikaela Shiffrin’s hope of recording her 100th World Cup win is ended by an unexpected fall 💔
We send our best wishes and hope Mikaela is okay 🫶 pic.twitter.com/Oj3gFTZEPb
— Eurosport (@eurosport) November 30, 2024
Американката се огласи од болницата и на својот Твитер (Х) профил напиша: „Ви благодарам за поддршката и за навивањето. На девојките кои скијаат им посакувам се’ најдобро, ќе навивам од страна“.
Quick update. Thank you for your cheers and support. Wishing the best of luck to my teammates tomorrow!! I’ll be cheering from the sidelines on this one.🙏❤️ pic.twitter.com/5siYwSFxMT
— Mikaela Shiffrin ⛷️ (@MikaelaShiffrin) November 30, 2024
Во видеото, таа потоа рече: „Во овој момент нема место за поголема загриженост, само не можам да мрдам. Имам прилично голема гребнатина и нешто како да ме боде. Едноставно не можам да се движам.
Простете што сите ве исплашив, но изгледа дека сите наоди се во ред. Ви благодарам за поддршката и за грижата“, рече Шифрин.
Американката беше фаворитка за победа на трката, што ќе беше јубилејна 100-та за неа во Светскиот куп (СК). Но, Шифрин ќе мора да почека на некои подобри денови за да го постигне тоа.