Реал Мадрид го има најскапиот и веројатно најдобриот напад на светот. Килијан Мбапе, Винициус Жуниор и Родриго се фудбалерите од кои ќе се плашат одбраните во новата сезона. Дека навистина ќе биде така потврди и натпреварот од Супер купот на УЕФА, во кој Реал доста лесно ја победи Аталанта со 2:0, со головите на Федерико Валверде и на Килијан Мбапе.
Според Трансфермаркт, Французинот Мбапе и Бразилецот Винициус вредат 360 милиони, или по 180 милиони евра! Другиот Бразилец, членот на ова трио Родриго, само малку е поевтин, 110 милиони. Кога на нив ќе се додаде и четвртиот напаѓач на Реал, уште еден Бразилец, тинејџерот Ендрик, кој има само 18 години и вреди неверојатни 60 милиони, се доаѓа до неверојатна бројка. Нападот на Реал Мадрид во сезоната 2024/2025 вреди фантастични 530 милиони евра!
Реал од Мадрид е убедливо најскапиот тим на светот чија вкупна вредност изнес ува 1,35 милијарди евра. Покрај тројцата напаѓачи, според Трансфермаркт, вредноста од 100 и повеќе милиони евра ја надминуваат уште четворица фудбалери. Прв е Џуд Белингем, кој вреди исто како Мбапе и Винициус, , а потоа следуваат Валверде, 120, Орилиен Чуамени и Едвардо Камавинга со по 100) милиони евра.