Канадскиот триатлонец, Тајлер Миславчук, откри шокантни детали од неговиот настап на Олимписките игри во Париз (Франција). Тој како и повеќето од спортистите доживеал нагон за повраќање додека го поминувал растојанието.
– Не дојдов за да бидам во првите десет но, дадов се од мене . Отидов до крај и не се каам – повраќав 10 пати“ – изјави Миславчук за медиумите.
Ќе потсетиме дека Триатлонот е една од најтешките олимписки дисциплини кој вклучува 1,5 км пливање покрај реката Сена, велосипедска трка на 40 километри и трчање на 10 километри.