Низ улиците во Париз денеска се одржа и женската трка на 20 км, брзо одење, на која златниот медал на супериорен начин го освои Јанг Џиају (28) од Кина со време од 1:25,54 часа.
Атлетичарката од Кина, светкста првенка од 2017 година, уште од стартот ја поведе трката, се „одлепи“ од конкуренцијата и водеше до крајот. Во поголемиот дел од трката таа имаше предност повеќе од половина минута, за на крајот да заврши со предност од 25 секунди.
Второто место и среброто го освои Шпанката, Марија Перез, двојната светска шампионка, со задоцнување од 25 секунди. Шест секунди зад сребрената Перез финишира Џемина Монтаг од Австралија, која се закити со бронзен медал.