Репрезентативецот на германија, Антонио Ридигер, најверојатно ќе го пропушти осминафиналето на Европското првенство.
Ридигер се повреди на натпреварот од третото коло од групата А против Швајцарија (1:1), кој се одигра синоќа во Франкфурт. Ридигер го повредил грбот.
„Не изгледа драматично, но мали се шансите Антонио да игра во сабота“, изјави за „Билд“ спортскиот директор на германската репрезентација Руди Фелер.
Натпреварот од осминафиналето ќе го пропушти уште еден стопер на Германија, Џонатан Та, кој ќе паузира поради жолти картони.
Селекторот на Германија, Јулијан Нагелсман има на располагање уште тројца стопери и тоа Ник Шлотербек, Робин Кох и Валдемар Антон.
Германија ја заврши групна фаза на првото место на табелата со седум бодови.
Домаќинот на континенталниот шампионат во осминафиналето ќе игра во сабота против второпласираната селекција од групата Ц во која се Србија, Англија, Данска и Словенија.