За Нејмар нема пандемија – ќе прави петдневна журка со над 500 гости

Нејмар мораше да паузира на крајот од 2020 година поради повреда што ја доживеа во дуелот со Лион, но тоа нема да му пречи да продолжи со својот животен стил.

Медиуми во Бразил открија дека тој планира голема журка во подземна дискотека во рамките на својата вила која се наоѓа во близина на Рио де Жанеиро. Забавата ќе трае пет дена, а поканети се над 500 гости. Сето тоа планира да го направи во период на пандемија со корона вирусот од кој секојдневно умираат десетици илјади луѓе низ целиот свет.

Диско клубот на неговиот имот е опремен со цела потребна звучна изолација за буката да не им пречи на соедите. Интересно е тоа што Нејмар им забранил на поканетите да внесат мобилни телефони, веројатно за да не излезат во јавност детали од големата забава.