Во ЦСКА веќе реагирале во случајот со „слободниот“ Теодосиќ

Српскиот кошаркар Милош Теодосиќ е повторно слободен играч, ЛА Клиперс денеска го ослободи, а тоа со големо воодушевување го дочекаа како информација во Русија.

Како што пишуваат европските медиуми, популарниот Тео е пред кам-бек во ЦСКА Москва, каде играше претходните неколку сезони.

Информацијата за ослободувањето на Теодосиќ од договорот со Клиперси експресно дојде до Москва и веднаш има реакција од таборот на ЦСКА.

Разговаравме малку пред истекот на рокот за трејдови во НБА, ми рече дека постои можност да биде трејдуван“, порача првиот човек на ЦСКА, претседатело Андреј Ватутин.

Милош Теодосиќ претходно го носеше дресот на ЦСКА во периодот од 2011 до 2017 година, а сега се верува дека сезоната ќе ја заврши во Европа и дека кам бек во Русија е можен.