(ВИДЕО) Страшни слики од САД: Фернандо Алонсо со полна брзина се заби во ѕид

Легендарниот шпански возач Фернандо Алонсо доживеа тежок судир на тренингот пред трката Инди 500.

Алонсо во текот на тренингот загуби контрола над својот болид и при полна брзна удри во еден, а потоа влезе и во друг ѕид.

Се изгледаше навистина страшно, но за среќа Алонсо се извлече без потешки повреди, иако лесно можеше да ги добие по ваквиот удар.

Тој самиот го напушти удрениот болид, веднаш беше префрлен во медицински центар за дополнителни прегледи, а утврдено е дека нема никакви повреди.

37-годишниот возач по долгата и успешна кариера во Формула 1, прави фантастични работи и во другите тркачки шампионати.

Меѓутоа, и така искусните возачи прават грешки кои ги чинат излетувања од патеката, а Алонсо овојпат имаше доста среќа.