(ВИДЕО) Пцуј по „нашки“ за да не добиеш техничка: Дончиќ го направи партал судијата во НБА

Во ноќта помеѓу вторникот и средата се одиграа пет натпревари во НБА лигата. Вечерта уште еднаш ја одбележа фантастичниот словенечки кошаркар Лука Дончиќ кој својот Далас го водеше до победа над Портланд (111:102).

За времето минато на теренот тој уфрли 21 поен, собра девет скока и подели три асистенции, а покрај тоа што повторно покажа за каков кошаркар станува збор, се виде и дека и тоа како умее да го загуби умот.

Така, по една дискутабилна судиска одлука, тој целосно ги загуби нервите. На тоа му претходеше глумата на кошаркарот на Портланд при еден дуел, а кога судијата наседна на тоа, Дончиќ збесна и едноставно не можеше да се исконтролира.