(ВИДЕО) По шест години, пехарот од Купот пак е во витрините на Лацио

Екипата на Лацио е освојувач на титулата во годинашното издание од Купот на Италија.

Во финалниот натпревар, римјаните ја победија Аталанта со 2-0 со еден блицкриг во финишот од мечот. Се покажа вистински потегот на тренерот Симоне Инѕаги кој во 79. минута го стави во игра српскиот репрезентативец Сергеј Милинковиќ Савиќ.

Само три минути подоцна тој го отвори резултатот, а во последните моменти од регуларниот дел Кореа го постигна вториот гол. Со овој триумф Лацио се израмни со Интер со по седум титули во Купот на Италија, а ова е трет за тимот во последната деценија.