(ВИДЕО) Овации, солзи и крај за Мареј на Австралијан Опен

Мечот кој беше испратен со посебно внимание заврши со пораз на Енди Мареј по повеќе од четири часа тенис.

Прес-конференцијата која Енди Мареј ја одржа пред почетокот на Австралијан Опен даде огромно значење на мечот кој Британецот денеска го одигра во Мелбурн.

Поради најавите дека Австралијан Опен би можел да биде последниот турнир кој ќе го одигра во кариерата, јавноста со посебно внимание го испрати денешниот дуел помеѓу Енди Мареј и Роберто Баутиста Агут.

Секој кој издвои повеќе од четири часа да го испрати дуелот на споменатите двајца не се покаја. Шпанецот имаше два сета предност, Мареј се врати „од мртвите“ и го внесе мечот во петтиот сет, но на крајот славеше Баутиста Агут со 3:2 (6:4, 6:4, 6:7, 6:7, 6:2).

По двата загубени сета делуваше дека Мареј експресно ќе биде елиминиран од првиот Гренд слем во сезоната.

Следуваше неверојатен кам-бек на Британецот, два добиени сета преку тај-брејк и влегување во петтиот сет во кој „црните серии“ го чинеа пораз.

Во ситуациите кога имаше брејк шанси Мареј не направи доволно добар избор на удари, а Баутиста Агут сурово ја казнуваше секоја грешка. Со два брејка Шпанецот го трасираше патот кон победата и на крајот го потврди пласманот во второто коло каде ќе се соочи со Џон Милман.

Победата на Роберто Баутиста Агут брзо ќе падне во втор план бидејќи јавноста со нетрпение ќе ја очекува реакцијата на Енди Мареј и одлуката дали ќе продолжи да се занимава со тенис.

ПОВРЗАНИ ВЕСТИ

Зошто сега е полесно да се освојат сите четири Гренд слема? Федерер го има одговорот

(ВИДЕО) Хорор во Мајами: Шпански тенисер колабираше на теренот!

Федерер и Ѓоковиќ се избегнаа, ама пак имаат тежок пат во Мајами

Федерер не е претерано разочаран, нагласи дека се радува на тоа што следува

Рафаел Надал го откажа мечот, Федерер во финале!

Нема крај на проблемите: Надал се откажа од Мастерсот во Мајами

Надал со една изјава ги загрижи своите навивачи – можно е и да не се игра класикото против Федерер

Федерер без загубен сет до полуфиналето на Индијан Велс

Ѓоковиќ незадоволен по елиминацијата, но го најави следниот чекор