(ВИДЕО) Ливерпул покажа кој е кој – „петарда“ за градскиот ривал

Актуелниот лидер во Премиер лигата, Ливерпул во последниот дуел од вечерашната програма славеше нова, убедлива победа.

Овојпат момците на Јирген Клоп беа подобри од градските ривали, фудбалерите на Евертон и тоа со убедлив резултат од 5-2.

Победникот на „Мерсисајд“ дерби беше решен уште по првото полувреме во кое паднаа дури шест погодоци.

Во 6. минута Ориги погоди за 1-0, а десет минути подоцна предноста ја зголеми Шаќири. На ова „карамелите“ одгворија преку Кин кој во 21. минута намали на 2-1. Сепак Ориги со голот во 31. минута ја врати предност од два гола (3-1), а на 4-1 зголеми Мане. Но во судиското продолжени следеше уште еден гол на Евертон, сега преку Ричалисон.

Точка на убедливата победа за Ливерпул стави Вајналдум на истекот на регуларниот дел.