(ВИДЕО) Кари го глумеше Харден, судиите останаа затекнати и збунети

Плејмејкерот на Голден Стејт Вориорс Стеф Кари го имитираше Џејмс Харден во мечот против Сакраменто Кингс.

Кари изведе „степбек“ кој е карактеристичен за Харден, но судиите останаа затекнати и досудија чекори, додека на Харден често знаат да му прогледаат низ прсти.

Кари потоа со рацете го гестикулираше бројот 13 кој го носи Харден и дека судиите не требало да досудат чекори.

„Го видов тој потег еднаш или два пати. Се обидов и јас. Очигледно судиите се збунија, знаеја дека тоа треба да биде некој друг, па свиреа чекори“, изјави кошаркарот на Вориорс и додаде:

„Не го смислив тоа однапред. Се случи во текот на играта, се обидов, свиреа чекори и тоа е тоа“.