ВИДЕО: Граѓаните со еден гол до нови три бода за трета позиција во ПЛ

Манчестер Сити успеа со минимална победа вечерва на „Етихад“ пр отив тимот на Брајтон, да впише нови бодови и да напредува на табелата до 3 позиција.

Решавачки момент на средбата беше во 44 минута, кога младиот Фил Фоден постигна гол за домашната екипа, што беше всушност и конечен исход на натпреварот.

Победата на „граѓаните“ вечерва можеше да биде и поубедлива, но Рахим Стерлинг во судиското надополнување во 92 минута промашува пенал, но сепак бодовите завршија на контото на Сити.

Со оваа победа, Манчестер Сити е третопласиран на табелата, но има и натпревар помалку, кој доколку го добие, ќе избие на 2-та позиција, со само бод заостанување зад градскиот ривал Манчестер Јунајтед.