(ВИДЕО) Фоторепортери-хулигани го уништија финалето

Со оглед на тоа што Супер-боулот во Атланта не беше многу интересен и атрактивен, позанимливо беше по неговото завршување и тоа благодарение на новинарите и фоторепортерите акредитирани за натпреварот.

Откако Стефон Гилмор го пресече додавањето на противничкиот квотербек Гоф и стави крај на сите надежи на Ремс, на сцена стапија хулиганите. ЦБС имаше ексклузивни права за изјави од актерите, но новинарката Трејси Вулфсон не можеше да се пробие до Том Брејди. Сите сакаа да фотографираат иако тој и пред финалниот меч изјави дека ова не му е последна сезона што значи не стануваше збор за историски настан.

Додека Вулфсон се обидуваше да земе изјава, фоторепортерите ја трсеа наваму-натаму, речиси дојде до стампедо и низ преносот се слушаа повици „Добро ли си!?“ додека гледачите се прашуваа дали ќе има и повредени во таа прилика.

На крајот упорната новинарка некако се избори за минута разговор со славниот квотербек кој во таа гужва успеа и да се поздрави со својот поранешен соиграч, а сега член на Ремс, Брендин Кукс и со газдата на Петриотс, Роберт Крафт. Но, тоа не беше крај на малите бидејќи новинарката имаше проблеми и при обезбедувањето изјави од другите актери.