Светската фудбалска федерација (ФИФА) го објави логото за првото клупско Светско првенство (СП) со 32 тима, најголемото натпреварување во историјата на клупскиот фудбал, што ќе се одржи во САД следната година.
Песната на Галa „Freed from Desire“, која стана фудбалска химна за навивачите и на клубовите и на националните тимови, беше најавена како аудио потпис. ФИФА го промовираше и „Take it to the World“, повик до навивачите да покажат пo што е посебен нивниот клуб.
Клупско СП 2025, кое ќе се игра од 15 јуни до 13 јули, ќе вклучува претставници од секоја од шесте континентални конфедерации, АФЦ (Азија), КАФ (Африка), КОНКАКАФ (Северна, Централна Америка и Карибите). ), КОНМЕБОЛ (Јужна Америка), ОФЦ (Океанија) и УЕФА (Европа).
До денеска, 30 од 32 екипи се квалификуваа, а дополнителен клуб од КОНМЕБОЛ (Јужна Америка) и претставник од земјата домаќин ќе бидат потврдени во догледно време.
Логото, кое ќе биде адаптирано и ќе се користи за сите наредни изданија на турнирот, е инспирирано од топката, фудбалската историја и култура, а иницијалите на турнирот „К-C-П“.
– Денеска го лансиравме брендот на новото клупско СП што почеток на нова ера во клупскиот фудбал. На светската сцена ќе се сретнат 32 од најдобрите светски клубови, а само еден ќе биде крунисан за светски шампион.
Затоа сакаме вие, навивачите од целиот свет, да ги споделите вашите клупски приказни, да ја донесете вашата љубов, вашата страст, вашата поддршка; да покажете од што е направен вашиот клуб и да го пренесете тоа на светот, изјави претседателот на ФИФА, Џани Инфантино.
ФИФА во догледно време ќе објави неколку најави за клупското СП 2025 година, вклучувајќи ги градовите и стадионите за 63-те натпревари на турнирот, новиот трофеј, деталите за ждрепката, продажбата на билети, распоредот на натпревари итн.