Вардар се подготвува за Ф4, Пелистер искористи и победи во Скопје

Екипата на Пелистер остана во игра за четвртото место на табелата во Суперлигата откако го победи шампионот Вардар во Скопје со 30:26.

На прв поглед овој резултат делува сензационално бидејќи огромна е разликата во квалитет меѓу двете екипи, но само до информацијата дека Вардар настапи со кадетскиот тим бидејќи големите ѕвезди во тимот се подготвуваат за завршниот турнир од Лигата на шампионите идниот викенд.

Пелистер ја обезбеди таквата ситуација, поведе во десеттата минута и предноста ја сочува до крајот на мечот. Поповиќ со осум гола беше најефикасен на натпреварот, а Ивановски постигна пет. Кај Вардар, Мишевски со седум гола беше прв стрелец во екипата.