Македонската кошаркарска репрезентација од вчера се наоѓа во Даблин, каде утре го игра вториот дуел од претквалификациите за Евробаскет 2029 со Република Ирска. Избраниците на селекторот Марјан Илиевски денеска двапати тренираа во салата каде утре се игра натпреварот, а еден тренинг (утрински) ќе имаат и утре на денот на натпреварот.
– Моите очекувања се да играме исто како летоска и да се надоградиме.Победивме во нашиот последен домашен натпревар, сега на почетокот на овој циклус, победивме уште еден, исто така на домашен терен, па сакаме да продолжиме со таа низа и пак да победиме. Се наоѓаме во процес на изградба, се уште го бараме оној перфектен ритам, имаме и некои други играчи, некои повратници, па се надевам дека низ овие натпревари ќе го продолжиме процесот. Никого не го преценуваме, никого не го потценуваме. Секој кој е дојден да игра во овие претквалификации е дојден да игра за државата за која го брани дресот и за тимот, па знам дека и Ирска ќе игра за својата гордост. Не смее никого да го сфатиме како лесна задача, туку мора да се бориме. Имаме квалитет и искуство за тоа прво место за следната фаза, но како што кажав, сакам да видам борба и мора сите да го направиме тоа заедно, изјави Џејкоб Вајли.
Вајли на утрешниот дуел ќе го замени Мур, кој беше во составот на дуелот против Азербејџан.
Натпреварот се игра утре (недела) со почеток во 18 часот.
Фото: Фејсбук МКФ
МОЖЕБИ ЌЕ ВЕ ИНТЕРЕСИРА:
