Вајда не е со Ѓоковиќ, Ноле има нов тренер!

Новак Ѓоковиќ неделава учествува на Мастерсот во Мадрид, но со него не е тренерот Марјан Вајда кој се врати на таа функција минатото лето.

Сепак, српскиот ас нема да биде сам во Мадрид бидејќи има нов тренер. Тоа е неговиот брат Марко кој ја заврши играчката кариера и почнува да работи како тренер.

„Мило ми е што член на семејството е со мене, особено поради тоа што станува збор за мојот брат. Марјан има семејство и не му е лесно постојано да патува. Марко почна да работи како тренер и сфатив дека би можел да ја преземе таа улога во мојот тим“, објасни Ѓоковиќ.