Циркус во ФА Купот: Каква победа, жена ми се пораѓа!

Англискиот четвртолигаш Њупорт направи големо изненадување со елиминацијата на Мидлсброу и си закажа дуел со Манчестер Сити во следната фаза на домашен терен.

Навивачите полудеа по победата и можноста на својот стадион да го пречекаат шампионот, но шоуто го украде голманот Џо Деј. Веднаш по натпреварот, тој панично го напушти теренот иако покрај аут-линијата го чекаа соиграчите да му честитаат. Причина за ваквиот потег е тоа што неговата сопруга била в болница каде веќе се породувала со близнаци.

„Каков професионалец е, тој го исклучи телефонот за да не му ѕвонат. Дури, откако победивме, не отиде сам, туку ме праша дали може да оди кај сопругата. Се разбира дека му дозволив“, изјави тренерот на тимот Мајкл Флин.

Да биде задоволството поголемо, тој успеа да ја сочува мрежата и Њупорт победи со 2-0.