Тренчовски: Јас сум виновен…

Тренерот на Академија Пандев, Југослав Тренчовски ја презеде на себе одговорноста за поразот на неговиот тим во првиот натпревар од првото квалификациско коло за пласман во Лигата Европа против Зрињски.

Босанците во Скопје победија со 3-0 со што го уништија европското деби на тимот од Струмица.

„Искрени честитки за Зрињски кој доминираше во текот на целиот меч. Неискуството го направи своето, бевме премногу импресионирани во првото полувреме. Загубивме поради раниот гол и средниот ред каде противникот доминираше. Сигурен сум дека вака лошо не можеме да одиграме и на вториот меч. Целата вина е на мој грб, но факт е дека Зрињски е подобар од нас“, изјави Тренчовски.

Реваншот се игра во Мостар за седум дена, шансите на Академија Пандев за пресврт се минимални.