Трансфер вибрации од Торино: Го сакаме Погба сигурно!

Се вжештува трансфер периодот во Европа, големите екипи сега ги прават своите големи трансфери.

Еден од најголемите ова лето и досега е трансферот на Азар од Челси во Реал Мадрид, но ништо понеинтересно не е и со шпекулациите со Пол Погба.

Од Јувентус тврдат дека го сакаат по секоја цена, а за тоа нешто прокоментира и спортскиот директор на Јувентус, Фабио Паратичи.

Погба е одличен фудбалер, го сакаме сигурно. Имаме одлични односи со него, но тој се уште е фудбалер на Манчестер Јунајтед“, истакна Паратичи за Скај Италија.

Ова може да донесе индиција дека во тек се преговори на релација Торино – Манчестер, наспроти најавите во Британија дека Јунајтед ќе се обиде да го задржи Погба по секоја цена.