Газета дело Спорт објави дека Милан тргнува со изградба на нов стадион, односно дека повеќе нема да го дели „Сан Сиро“ со градскиот ривал Интер.
Милан дефинитивно го напушта стадионот, а за сопствени потреби ќе градат свој стадион повторно со голем капацитет.
„Големата романса помеѓу Милан и Сан Сиро е готова. Ќе останат само убав спомени, но Милан оди во друг правец и тоа без Интер. Клубот успеа да се врати во врвот на италијанскиот фудбал со освојување на титулата минатата сезона, а сопствениците сакаат тие да се вратат и на европскиот врв“, пишува Газета денеска.
Како стои во истиот медиум, Милан ќе ангажира за новиот проект стручнаци од Њујорк кои ќе работат макотрпно за изградбата на новиот стадион.
Сан Сиро е домот на Милан од 1926 година, а првобитниот капацитет беше 30 000, за по Мундијалот 1990 година, да решат да го зголемат на 75.817 места за навивачите.