Експертите сметаат дека тимот на Ферари не може да се вклучи во борбата за титулата во догледно време.
Ред Бул имаше доминантен старт на трката во Бахреин, заземајќи ги првите две места.
Макс Верстапен имаше 12 секунди предност пред тимскиот колега Серхио Перез, кој повторно имаше 26 секунди подобро време од третопласираниот Фернандо Алонсо.
И дури тогаш зад нив пристигна Карлос Саинз од Ферари, кој за малку ќе го загубеше четвртото место од налетот на Луис Хамилтон.
Ралф Шумахер, поранешниот возач на Џордан, Вилијамс и Тојота, смета дека претстои уште една неинтересна сезона во која Ред Бул доминира.
„Не верувам дека Ферари може да се бори за титулата. Мислам дека ќе им треба многу време за да ја намалат разликата. Ред Бул имаат времиња кои се веќе надвор од рамките, освен ако немаат некаква техничка лоша среќа. Јас тоа не го сакам, но сепак мислам дека ќе имаме релативно досадна сезона. Се ќе се врти околу двајцата тимски колеги“, алудираше тој на возачите на Ред Бул, Верстапен и Перез.