Рајола подготвува нова бомба: Погба си оди, но не во Јувентус!

Пол Погба игра како препороден по доаѓањето на Оле Гунар Солскјер, првпат во кариерата ја проби границата од 10 гола во една сезона, но навивачите се плашат дека тој ги поминува последните четири месеци на Олд Трафорд.

Англиските медиуми тврдат дека самиот му наложил на менаџерот Мино Рајола да му обезбеди трансфер, но не во Италија, туку во актуелниот европски шампион Реал Мадрид. Некои во ова видоа притисок кон Јунајтед да му даде нов, побогат договор на фудбалерот, но некои гледаат и реална можност тој да се пресели во Мадрид.

На Реал му недостасуваат неколку играчи во средината на теренот, можно е Модриќ да си замине бидејќи наскоро ќе наполни 34 години, а Погба би чинел околу 120 милиони евра.