Првенството почнува, атмосферата во соблекувалната на Реал е ужасна!?

Со натпреварот меѓу Атлетик Билбао и Барселона вечерва почнува новата сезона во шпанското првенство во кое Реал ќе се обиде да дојде до третата титула во последните 12 години и да ја прекине неверојатната доминација на каталонскиот гигант.

Но, ако е точна информацијата во емисијата Чирингито, тоа ќе биде многу тешко затоа што атмосферата во тимот, наводно, е ужасна. Формирани се повеќе кланови, меѓу дел од фудбалерите владее нетрпеливост, а Зидан нема намера да се меша додека играчите го даваат максимумот на теренот. На друга страна се Герет Бејл и Хамес Родригес чија судбина во моментов е неизвесна и можно е да го напуштат Реал пред крајот на преодниот рок.

Дали е сето ова вистина не е потврдено, тоа е само изјава на новинарот на Чирингито, Пип Естрада. Својот прв натпревар од новата сезона Реал го игра утре од 17 часот на гости кај Селта.