Потресно сведоштво на другар на Сала: Принуден беше да се качи во авионот

Исчезнувањето на аргентинскиот фудбалер Емилијано Сала и натаму е топ-тема во сите светски медиуми.

Вчера беа најдени остатоците од авионот со кој патуваше, а заедно со нив и тело за кое уште не се знае чие е. Пријателот на Сала, Масимилијано Дуарте тврди дека фудбалерот не сакал да се качи во авионот, но бил принуден.

„Емилијано никогаш не сакаше да се качи во тој авион. Имаше обврска, како што имаат сите фудбалери. Тој тврдеше дека нема да се качи додека не се исполнат сите услови, но го натераа“, изјави Дуарте.

Агент на Сала е англискиот менаџер Вили МекКеј кој му го организирал летот со Пајпер Малибу, авион кој обично не се користи за летови преку Ла Манш затоа што е мал и не е отпорен на силните ветришта што ги има во тој регион.