По прокоцканата титула во купот: Еурофарм Пелистер и Бабиќ се разделија

Два дена откако го загубија финалето од купот на Македонија, Еурофарм Пелистер ја прекинува соработката со нивниот тренер Жељко Бабиќ.

Иако беа на чекор да ја освојат титулата во купот, сепак не додржаа во притисокот и паднаа во самиот финиш од натпреварот кој во неделата се одигра во салата „Јасмин“ во Кавадарци.

Ангажманот на Жељко Бабиќ во Пелистер беше две години, а непознато е дали во иднина ќе работи во Хрватска или повторно ќе има некаде ангажман во странство.

РК Еурофарм Пелистер ја известува јавноста дека спогодбено со тренерот Жељко Бабиќ ја искористи опцијата во договорот за прекин на соработката на крајот на сезоната. По две и пол сезони нашиот клуб ќе добие нов тренер за сезоната 2022/23′.

„Најискрено му се заблагодаруваме на Жељко Бабиќ за развојот на клубот во претходниот период од 2020 година до денес. Без негова помош нашиот проект немаше да се развива по предвидениот колосек. Исто така изразуваме благодарност за остварените цели во европските натпреварувања и освоениот Суперкуп на Македонија 2022“.

„Клубот му посакува многу успех во понатамошната работа и вратите на нашиот клуб секогаш ќе бидат отворени за професионалци како него“, порачаа од Пелистер.