„Отпишаниот“ од ПСЖ признава: Јувентус и Јунајтед преговараа(т) со мене

Фудбалерот кој не е во најдобри односи со својот се уште актуелен клуб, ПСЖ, Адриен Рабио, призна дека работи на неговиот следен трансфер.

За таа намена, Рабио ги откри клубовите кои веќе го контактирале и дале најконкретни понуди, но дека се уште нема ништо официјално.

Јувентус ме контактираше, зборувавме заедно, но неможам да кажам ништо повеќе. Се уште незнам каде ќе одам. Секој играч сака да оди во голем клуб. Манчестер Јунајтед? Иста е ситуацијата како и со Јувентус, ме контактираа, допрва треба да одлучам“, порача Рабио.

Со оглед на тоа дека Јунајтед е во далеку понезавидна ситуација кога е кадарот во прашање, поголеми се шансите доколку имаат доставено подобра понуда, Рабио да се пресели на Олд Трафорд во следните десетина дена.