Атлетичарот од Боцвана, Најџел Амос, објави дека го продава својот сребрен медал освоен на Олимписките игри во Лондон во 2012 година на 800 метри. Тоа беше првиот олимписки медал за Боцвана, а сега Амос ќе го продаде за да му помогне на своето семејство.
Тој минатата недела доби тригодишна суспензија поради допинг. Одделението за атлетски интегритет на 3 мај објави дека го суспендирала Амос на три години, откако тестот по натпреварот открил забранет метаболит во неговиот примерок од урина.
Забраната беше намалена од четири на три години откако Амос го потпиша признанието.
Тој рече дека го потпишува документот по совет на неговиот правен тим.
Со оглед на околностите на случајот, јас и мојот правен тим почувствувавме дека ова е соодветен потег, со цел да добијам намалена казна“, изјави спортистот од Боцвана.
Во неговото тело е пронајдена супстанца која го менува начинот на кој телото ги обработува мастите.
„Во моментов единствена инвестиција или пензија ми е сребрениот медал од 2012 година. „Се сретнав со тим кој сака да го купи за 4,5 милиони боцвана пула, што е 339.750 долари, но со документарецот за мене што излегува на Нетфликс, можам дури и да ја подигнам цената на 7,5 милиони“, рече Најџел.
Неговото сребро во Лондон беше првиот олимписки медал за Боцвана. Африканската нација освои бронза во машката штафета 4×400 на Игрите во Токио пред две години. Амос рече дека планира да се врати на патеката по отслужувањето на казната, која истекува во јули.
„Не планирам да се пензионирам“, изјави 29-годишниот олимпиец.
Сè уште сум во добра форма и се надевам дека повторно ќе се издигнам на Светското првенство во 2025 година“.