Официјално „шут-карта“ за Олимпијакос од грчкото првенство

Претходните најави од Грција се остварија, Олимпијакос од денеска и официјално е исфрлен од грчката кошаркарска лига.

Поради тоа што тимот од Пиреа одби да настапи во 1/4 финалето од грчкиот плеј оф против „детелинките“ или Панатинаикос, по брза постапка се исфрлени од првата кошаркарска лига.

Ситуацијата дојде до овде пред се поради несогласувањето на Олимпијакос на дербито против Панатинаикос да судат судии од Грција, затоа што црвено-белите бараа меѓународна арбитража против вечниот ривал.

Откако тоа барање не им беше одобрено, тие одбија да бидат дел од плеј-оф натпреварите со ПАО, па сега се исфрлени од лигата.

Останува само да се види дали оваа одлука на грчката федерација, ќе влијае на тоа Олимпијакос да се пресели и да игра во АБА првенството.