Продолжуваат проблемите со повредите за фудбалската репрезентација на Франција на Светското првенство во Катар, со нова повреда поврзана со Кингсли Коман. Според „Л’Екип“, 26-годишниот фудбалер на Баерн Минхен го напуштил последниот тренинг на француската репрезентација. Станува збор за повреда на мускулот, а се уште не се знае колку е тешка и дали ова е навистина нов голем удар за актуелниот светски шампион.
Франција на првенството дојде без голем број многу важни играчи. Поради повреди ова првенство мораа да го откажат Бензема, Нкунку, Канте, Погба и Кимпембе, а на првиот меч се повреди крилото Лукас Ернандез. Во победата од 4:1 против Австралија, Лукас Ернандез мораше да го напушти теренот во 13. минута поради повреда која не само што го заврши настапот во Катар, туку и ја заврши целата сезона. Во второто коло од групата Д, Франција во сабота ќе игра против Данска, а натпреварот почнува од 17 часот.