Новак Ѓоковиќ ќе остане без Иванишевиќ од понеделник

Новак Ѓоковиќ ќе влезе во втората недела од Вимблдон, без помошта на Горан Иванишевиќ.

Прославениот хрватски тенисер ги изненади во јавноста кога минатата недела, ден пред почетокот на Вимблдон, објави дека ќе го тренира Ѓоковиќ.

Горан тогаш во разговор со медиумите од соседството, рече дека најверојатно ќе мора да го напушти Лондон на почетокот од втората недела, што сега се обвистини.

Ѓоковиќ во Лондон ќе остане со старата екипа, долгогодишниот тренер Марјан Вајда, физиотерапевтот Милјан АМановиќ и кондициониот тренер Гебхарт Фил Грич, но за подетален договор со Иванишевиќ ќе мора да седнат и да преговараат на маса по Вимблдон.