Нојер го стигна легендарниот Кан и испиша историја

Баерн синоќа на гостувањето кај Олимпијакос успеа да слави со 3:2.

Ова беше натпревар во кој Мануел Нојер влезе во историјата со оглед на тоа дека го запиша својот 103. настап во Лигата на шампионите и така се израмни со легендарниот Оливер Кан како германски голман со најмногу настапи во ова натпреварување.

Патот на Мануел Нојер во ЛШ започна во дресот на Шалке за кого запиша 22 настапи, а натпреварот против грчкиот тим беше 81. за него за Баерн и така дојде до бројката од 103.

Нојер најмногу настапи запиша во сезоната 2012/13, вкупно 13, а до сега можеше да има многу повеќе ако ја немаше тешката повреда во сезоната 2017/18 кога запиша само еден настап во најелитното европско натпреварување.