Незадоволните навивачи фрлаа со чаши кон Саутгејт

Реакцијата на некои англиски навивачи на настапот на тимот на ЕP 2024 „создава необична ситуација“ што „предизвикува проблем за групата“, вели селекторот Герет Саутгејт, по вчерашните 0:0 против Словенија.

Англија на Саутгејт беше исвиркана, а неколку празни чаши беа фрлени кон селекторот по уште еден настап под очекувањата. „Нема да се откажам. Но најважно е навивачите да останат со тимот, вели Саутгејт.

Тој вели дека „разбира“ зошто навивачите го изразуваат своето незадоволство од разочарувачките перформанси и резултати, кои вклучија само една победа, од 1:0 над Србија во првиот натпревар на турнирот.

Англија беше исмејувана од навивачите и вчера против Словенија.

– Го разбирам наративот кон мене и подобро е за тимот гневот да биде кон мене, отколку кон играчите. Но, тоа создава необична работна средина. Не сум видел ниту еден друг тим да се квалификува и да добие сличен третман. Го разбирам тоа, но горд сум на играчите за тоа како функционираат, рече Саутгејт.

ПОВРЗАНИ НОВОСТИ





НАЈНОВО