Навивачите на ПСЖ направија журка среде Манчестер пред мечот на „Олд Трафорд“

Навивачите на ПСЖ пристигнаа во Манчестер со цел да го бодрат својот клуб против Манчестер Јунајтед во мечот од осминафиналето од Лигата на шампионите.

Двете екипи вечерва го играат првиот меч од осминафиналето, а навивачите на ПСЖ пристигнаа во голем број со цел да го поддржат својот клуб кој на овој меч ќе биде драстично ослабен.

Тренерот Тухел нема да може да смета на Кавани и Нејмар, но навивачите секако ќе се обидат да помогнат тие отсуства да не се почувствуваат.

Тие во текот на денешниот ден направија вистинска „лудница“ во Манчестер, а британските медиуми пренесуваат дека немало никакви поголеми инциденти и дека се било добро „покриено“ од страна на полицијата.