МЗТ Скопје покажа класа во Гостивар и рутински забележа нов триумф во првенството

МЗТ Скопје без поголеми проблеми славеше вечерва на гостувањето во Гостивар, во преполната сала навивачи на домашната екипа.

Момците од Аеродром забележаа нов триумф во 15. коло со резултат 61:74, меч во кој покажаа класа против домаќинот.

МЗТ Скопје уште од почетокот на мечот покажа теренска иницијатива, добивајки ги првите 10 минути со 14:20, до крајот на полувремето МЗТ веќе водеа со осетна предност (28:44).

До крајот на мечот беше се рутински, за конечни 61:74.

Најефикасен во редовите на МЗТ вечерва беше Марко Симоновски со 17 поени, во редовите на Гостивар, најрасположен за игра беше Александар Костовски со 19 поени.